Burundi: CNDD-FDD yemeje Ndayishimiye nk’umukandida mu matora y’umukuru w’igihugu

 26-04-2026 - saa 12:38,  IGIHE

Ishyaka riri ku butegetsi mu Burundi, CNDD-FDD ryatoye Perezida Evariste Ndayishimiye nk’umukandida uzarihagararira mu matora y’umukuru w’igihugu ateganyijwe mu 2027.

Ni amatora yabereye mu nteko rusange idasanzwe y’ishyaka CNDD-FDD yabaye ku wa 26 Mata 2026.

Ubutumwa bwashyizwe ku rukuta rwa X rw’iri shyaka buhamya Perezida Ndayishimiye ari we uzarihagararira mu matora azaba mu 2027.

Mu bahabwaga amahirwe yo gutorwa nk’umukandida harimo Umunyamabanga Mukuru w’Ishyaka Revelien Ndikuriyo, bivugwa ko batumvikana kuri gahunda zimwe n’uburyo zishyirwa mu bikorwa.

Ndayishimiye natorerwa kuyobora u Burundi kuva mu 2027 izaba ari manda ya kabiri atorewe nk’umukuru w’igihugu. Yagiye ku butegetsi mu 2020 atsinze amatora.