Kugeza ubu rutahizamu w’Amavubi, Joy-Lance Mickels, ni we ufite ibitego byinshi muri shampiyona ya Azerbaijan 2025/26, aho afite 18 akarusha birindwi Bassala Sambou wa Neftçi.

Ikipe akinira ya Sabah Baku niyo yegukanye Igikombe cya Shampiyona ya Azerbaijan mu gihe ibura imikino ine ngo irangire.

Iyi kipe yatwaye igikombe nyuma y'uko ikipe bari bahanganye Qarabag ya kabiri muri iyi shampiyona itsinzwe na Neftci Baku ibitego 2-1, biha amahirwe Sabah yo guhita yegukana igikombe kuko iyirusha amanota 13, kandi habura imikino ine.

Sabah iri ku mwanya wa mbere ifite amanota 72 n’ibitego 48 izigamye, mu gihe Qarabag ifite amanota 59 n’ibitego 39.

#KORA FOLLOW 👉https://chat.whatsapp.com/D88VA9wPA9mGh0QkhfQAFM?mode=gi_t