Umubyinnyi mpuzamahanga w’Umunyarwandakazi, Sherrie Silver, yishimiye guhura n'abarimo Perezida w’u Bufaransa, Emmanuel Macron, mu ijoro rya tariki ya 12 Gicurasi 2026 ubwo bari mu birori bisoza inama ya Africa Forward Summit.

Sherrie Silver, yagize uruhare rukomeye mu birori bisoza iyi  nama ya Africa Forward Summit yabereye i Nairobi muri Kenya.

#sherriesilver yari Umuyobozi w’Ubuhanzi (Artistic Director) w’igitaramo  cyiswe "Africa Forward Le Concert" ku munsi wo gusoza iyi nama.

Ikigo cye, Sherrie Silver Foundation, cyakoranye n'abahanzi bakomeye nka Yemi Alade na Bien bataramiye abitabiriye iki gitaramo.

Uyu mukobwa yari mu batanze ibitekerezo mu kiganiro cyagarutse ku mbogamizi n’amahirwe Ari mu nzego z’umuco n'ubuhanzi muri Afurika.

Iyi nama yabaye kuva ku wa 11 kugeza ku wa 12 Gicurasi 2026, ikaba yibanze ku bufatanye hagati ya Afurika n'u Bufaransa mu rwego rw'ishoramari n'ikoranabuhanga.